Traballo Social

O servizo de traballo social é de vital importancia, por ser o primeiro contacto para a persoa afectada, coidadora ou familiar coa nosa entidade. Ofrece información de recursos sociais e dos servizos e actividades existentes en cada momento no centro, así coma do seu funcionamento; atendendo aos problemas, necesidades e demandas das persoas usuarias.

As intervencións sociais realizadas céntranse principalmente nas seguintes áreas: adhesión e entrevista de valoración inicial coas persoas afectadas e familiares, información e asesoramento sobre prestacións socioeconómicas e exencións, programas e servizos e realización de seguementos.

A atención que ofrece este servizo está aberta á totalidade de persoas asociadas de ACEM, familias e persoas coidadoras, así coma a sociedade en xeral para obter información específica tanto da entidade como dos recursos destinados aos colectivos destinatarios.