RehabilitARTE

Rehabilit-Arte é un proxecto integral e transversal co obxectivo de mellorar a calidade de vida das persoas afectadas de esclerose múltiple, párkinson, ELA e outras enfermidades neurodexenerativas a través da arte.

E o fai a partir da participación de persoas afectadas en obradoiros artísticos e a presentación das manifestacións artísticas resultantes na comunidade, cunha exposición permanente no Centro de Rehabilitación Integral e outra itinerante polos municipios que forman parte do ámbito de actuación da entidade.

Este proxecto é posible grazas á colaboración da Fundación La Caixa, a través das convocatorias de Acción Social Galicia 2023 e 2025.

Na súa segunda edición 2025-2026 colabora tamén Oral Group Clínicas Dentales a través da súa I Beca Solidaria Oral Group.

OBRADOIRO DE CERÁMICA CASTREXA

Do 5 de marzo ao 23 de abril.

No mesmo, 20 persoas con esclerose múltiple e párkinson están aprendendo - da man Sandra Obarrio da Fundación Terra Termarum Castrolandín - as técnicas tradicionais de modelado e decoración, e elaborando pezas inspiradas nas formas e motivos da cultura castrexa.

OBRADOIRO DE TEATRO

Inicio: Martes, 18 de novembro ás 11:30h.

Horario: Os martes de 11:30 a 13:00h. en ACEM

Duración: Ata maio de 2026.

Inscricións: acem.santiago@gmail.com / Tel. 620 533 471 / no centro.

Imparte: Fran Rei, actor cómico e director teatral.

Neste obradoiro adentrarémonos no mundo do teatro dun xeito lúdico e cunha metoloxía amena e participativa; traballando o movemento, a palabra, a improvisación, o xogo dramático, a creación colectiva e a representación.

Ademais de aulas formativas, Fran Rei desenvolve un traballo constante pola inclusión social a través do teatro con distintos colectivos de persoas con discapacidade.

O obradoiro forma parte de RehabilitArte, un proxecto de ACEM que busca a inclusión social, a participación activa do colectivo de persoas con esclerose múltiple e párkinson a través da arte na comunidade, mellorando a súa calidade de vida. Posible grazas á colaboración da Fundación "la Caixa" - Proxectos Sociais Galicia 2025 e á I Beca Solidaria Oral Group.

PRIMEIRA EDICIÓN

Inauguración da exposición Rehabilit-Arte no Centro Sociocultural Fontiñas de Santiago.