Logopedia
Logopedia
Desde - Hasta: 01/03/2022 - Actualmente
O servizo de logopedia desenvólvese en ACEM a partir de tres terapias diferenciadas: miofuncional, vocal e cognitiva.
Terapia miofuncional
Está dirixida a aquelas persoas con dificultades na musculatura orofacial e na súa funcionalidade, que repercute na vida diaria da persoa. Estes casos poden incluír disfaxias, disartrias, parálises. Dentro desta terapia atópanse todos aqueles procedementos coa musculatura da cara, tanto de tonificación para aqueles usuarios cunha musculatura máis hipotónica ou fláccida; como de relaxación, para aqueles casos nos que existen unha elevación do tono. Así mesmo, tamén se engloban exercicios musculares para un maior control do bolo e unha deglutición máis segura e eficaz, unha maior intelexibilidade ou tamén unha maior simetría e amplitude de movemento.
Terapia vocal
Dirixida a aquelas persoas con alteración nas calidades da voz, xa ben sexa o timbre, o tono, a tonalidade, o volume, etc. Para isto recórrese á aprendizaxe de técnicas de impostación vocal e aproveitamento dos resoadores anatómicos. Deste xeito adquírese unha mellor colocación da voz así como unha mellor utilización da mesma, evitando polo tanto disfonías ou outros problemas vocais derivados do abuso ou mal uso da voz. De igual forma tamén se adquiren os correctos hábitos de hixiene vocal para evitar doenzas posteriores.