Cores pola esclerose múltiple
Campaña de concienciación e divulgación da esclerose múltiple na comunidade escolar, especificamente entre o alumnado de primaria dos centros educativos de Santiago de Compostela e contorna.
Obxectivos
- Establecer vínculos comunitarios, da entidade e as persoas afectadas coa comunidade escolar.
- Situar á persoa afectada como protagonista activa da campaña.
- Concienciar e divulgar sobre a enfermidade.
- Traballar na comunidade escolar valores como a empatía, a inclusión, a diversidade e a solidariedade.
A campaña concrétase nunha presentación na aula complementada co relato de experiencias de persoas afectadas, e culmina cun concurso de debuxo sobre a enfermidade. Os doce debuxos finalistas configuran un calendario solidario.
Alcance
250 nenas e nenos de Santiago de Compostela, Ames, Brión, Teo e Oroso participaron na primeira edición da campaña.Colaboraron coa mesma os cinco concellos mencionados, a empresa Alcampo, Papelerías Folder e dez centros de educación primaria de Santiago e contorna.