Artes plásticas

As actividades de artes plásticas que se desenvoven en ACEM teñen como obxectivos:

• Propiciar a creatividade empregando a arte como medio de expresión.
• Desfrutar realizando actividades que reducen o estrés e favorecen a relaxación.
• Favorecer a motricidade das mans e a precisión.
• Focalizar a atención.
• Compartir tempo e experiencias con outras persoas nunha actividade grupal.
• Favorecer a socialización.

Obradoiro de artes plásticas

Co obxectivo de axudar a canalizar as inquedanzas artísticas das persoas afectadas, éstas aprenden a crear e a experimentar con distintas técnicas e materiais.

A partir dunha serie de exercicios que fomentan a creatividade, as persoas pintan versionando obras de recoñecidos artistas, realizan abstraccións guiadas e experimentan con distintas manualidades que van dende o collage á modelaxe de pezas.

Obradoiro de deseño e creación de mandalas

Os mándalas son estructuras de deseño que representan unha composición repetitiva, a do universo e a natureza. Os obxectivos deste obradoiro eran aprender a crear os propios mandalas, a deseñalos e a colorealos.