Actualidade

ACEM recibe o Premio de Concienciación e Divulgación da Fundación Merck Salud

Nos V Premios Solidarios “Con la EM” da Fundación Merck Salud, ACEM recibiu hoxe o Premio Solidario de Concienciación e Divulgación na categoría colectiva pola campaña “Móvete en Taxi pola esclerose”, que está a levar a cabo este ano con motivo do seu 25 aniversario.

A presidenta de ACEM co Premio

A campaña de ACEM “Móvete en taxi pola esclerose” resultou ser a mellor valorada e recoñecida dentro do mundo da esclerose múltiple en todo o territorio español, e polo que a Asociación recibirá un premio de 3.000 euros que irán en beneficio dos programas, servizos e actividades que leva a cabo no seu Centro de Rehabilitación Integral.

O acto de entrega dos premios tivo lugar este xoves 17 de decembro de forma online no EFE Fórum Esclerose Múltiple.

Entrega online dos Premios Solidarios “Con la EM” da Fundación Merck Salud

Unha vez máis queremos agradecer a Radiotaxi Santiago de Compostela Ames e Teo e a TeleTaxi Compostela, en particular aos seus presidentes Jesús García e Jesús Pena, a súa colaboración nesta campaña, que non sería posible sen a súa implicación. Tamén damos as grazas ao Concello de Santiago, en particular aos concelleiros de Políticas Sociais e Mobilidade, Mila Castro e Gonzalo Muiños respectivamente, pola súa colaboración na difusión da mesma.

Agardamos que este recoñecemento vos faga tanta ilusión como a nós!

Leave a Reply

Your email address will not be published. Required fields are marked *